Unai Agirrek 3garren egin zuen atzo Zarauzko final laurdenean

Unai Agirre bertsolari hernaniarrak Euskal Herriko txapelketako saioa izan zuen atzo Zarautzen. Final laurdenetako saioa izan zen eta hirugarren postuan geratu zen, 622 punturekin. Aurrenekoa I. Zubeldia izan zen, 643 punturekin; bigarrena I. Ibarra 627,5 punturekin; laugarrena J. Munduate 608,5 punturekin; bosgarrena X. Silveira 595 punturekin; eta seigarrena O. Perea 558, 5 punturekin. Finalerdietara aurrena bakarrik pasa zen zuzenean, I. Zubeldia alegia. Hala ere, Unai Agirrek badu finalerdietan izateko aukera oraindik. Puntuak kontuan izanda, aurreneko 11k pasatzen dira, eta momentuz, Agirre 10garren postuan da. Datorren astean Laudion izango da final laurdenetako azken saioa, eta hango puntuaketen arabera jakingo da zeintzuk izango diren finalerdietara pasako diren bertsolariak.