Mañel Serra joan den asteartean atxilotu zuen Polizia Nazionalak Hernanin, beste hamar pertsonekin batera, tartean Arnaldo Otegi, Rafa Diez Usabiaga eta Rufi Etxeberria. Atxilotuei egozten diete ´legez kanpo utzitako Batasunaren zuzendaritza berriz osatzea`. Guztiak ostiralean pasa ziren Baltasar Garzon epailearen aurretik, eta azken honek libre utzi zuen Mañel Serra, 10.000 euroko fidantzapean.
Joanes Larretxea
Fleury-ko espetxean sartu dute
Bestalde, Joanes Larretxea hernaniarra Frantzian atxilotu zuen, joan den asteko igandean, Frantziako Poliziak. Joanes ostegunean eraman zuten Pariseko auzitegira eta epailearen aurretik pasa ondoren, Frantziako Fleury espetxean kartzelaratu zuten.