Lehenengo mailan jokatzen duen Yone Boutique taldeak Zarautzen aurka jokatuko du gaur, arratsaldeko 16:00etan Zarautzen. Hernaniko taldearen helburua da partida hau irabazi eta aurreko asteburuan galdutakoa berreskuratzea. Aurreko partidua, gutxigatik, baina galdu egin zuen Hernaniko taldeak. Denboraldia hasi zenetik jaso duen porrot bakarra izan da eta bosgarren postuan dago.
«Kontu haundiz»
Zarautz taldea azken postuan dago, baina Julen Giraldo entrenatzailearen esanetan, kontu haundiz joateko asmoa dute, eta ez dute partidu erraza espero.