Gipuzkoako Txapelketaren barruan, gaur bost partidu jokatuko dira eta horietatik lau Hernanin. Partiduak arratsaldeko 16:00etatik aurrera izango dira. Eskuz kadeteak izango dira lehenengoak jokatzen: E. Altuna-Lujanbio/Alde Zaharraren aurka eta Urkizu-Murgiondo/Oiarperen aurka. Ondoren jubenilak lehiatuko dira: buruz burukoa Markel Lizeaga eta Bergarako taldekidearen artekoa izango da eta bikotekakoa Santxo-Aizpitarte eta Antiguako bikotearen artekoa izango da. Seniorrek ere gaur izango dute partidua. Aretxabaletan izango da 16:30etan. Aretxabaleta/Ezeiza-Esnaola izango dira aurrez aurre. Emakumea Pelotari Emakume pelotarin bigarren mailako hiru partidu jokatuko dira: Mirari Pagola-Urkizu/Arruti-Garmendia, 16:00etan Villabonan; Garazi Jauregi-Landinez/Garbiñe Tijero-Ezkurdia, 16:00etan Tolosan; eta Arriola- Esnal/Dominguez-Nagore Zabala, 16:00etan Tolosan.
Bihar hiru partidu
Hernanin
Bihar goizean 10:30etatik aurrera hiru partidu jokatuko dira Hernanin. Eskuz kadeteetan Garcia-Etxegoien/Ilunpe; eta eskuz nagusietan Izadi Grajal/Tartaloetxe eta Ojuel-Gorrotxategi/Añorga.