Frantziako poliziak bi pertsona atxilotu zituen herenegun ETAkide direlakoan. Ikerketako informazio iturrien arabera, atxilotuetako bat Joanes Larretxea gazte hernaniarra da eta bestea Iurgi Mendinueta donostiarra. Atxiloketak Frantziar estatuan, Montpellier inguruan izan ziren. Frantziako poliziak gauzatu zuen operazioa Guardia Zibilaren kolaborazioarekin eta azken honek Larretxearen etxea miatu zuen atzo goizaldean. Operazioak irekia jarraitzen du. Bi gazteak Montpelliergo komisarian daude inkomunikatuta Parisera, epailearen aurrera, bidali bitartean. Frantziako legediak atxilotuentzat gahienez, lau eguneko inkomunikazioa onartzen du.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!