Wukro herriari laguntzeko bazkaritarako txartelak salgai daude

asteburuan etiopian da­goen Wukro herriari lagun- tzeko elkartasun jaialdia egingo dute herrian. Larunba­tean, Antziolako atle­tis­mo pistan, arratsaldeko 16:00etatik au­rrera, ume jolasak, Elkartasun Kilome­troa eta salmenta postua jarriko di­tuz­te, bertara joaten direnek, ume zein helduen, Wukroko bizimodua ezagu­tzeko eta sos batzuekin laguntzeko.

Igandeko bazkarirako txartelak salgai
Igandean, urtero bezala, herri bazkaria egingo dute, Atse­gindegin, Garagardo Azo­karako jarritako azpiegitura aprobetxatuz. Txartelak 22 euroan dira eta dagoeneko ari dira saltzen Oa janaridendan eta Iruretagoiena dendan. Mikel Lujanbiok ere soinean daramazki eta ostegunean postua jarrriko dute ferian.

Eskutitza lantegietara
Jardunaldien antolatzaileek jakinarazi zuten lantegietara eta eskutitza bidaliko dutela, eman ahal duten laguntza es­katzeko. Txikia bada ere, ongi etorria izango omen da, izan ere, Wukron dagoen Angel Olaran misiolari hernaniarraren esanetan, «krisiak hiru aldiz gehiago eragiten du han, hemen baino». Urtero bezala, hainbat material ere jarri dute salgai, sos batzuk lortzeko, esate baterako, arkatzak, kamixetak eta aurten berria jarri duten mantala. Laguntza guztia estimatzen dute. Duela bi urte hernaniar batek 1.500 aitzur bidali zituen Wukrora.

Kontuak argi
joan den astean asteburuko elkartasun jaia aurkezteko garaian, antolatzaileek hausnarketa ere egin zuten eta onartu zuten beren buruari galdetu izan diotela behin baino gehiagotan, laguntza, dena delakoa, iristen den eta behar den bezala erabiltzen den. Erantzuna ere eman zuten: Angel Olaran misiolariak beti azaldu du argi eta garbi hemendik jasotako laguntza zenbatekoa den, zertan erabili den, nola xahutu den eta abar.

484 tona hazi
Duela ez asko, eurite denboraldia zetorrela eta, Olaranek laguntza eskatu zuen, haziak erosteko. Kontuak ere argitu ditu geroztik. Bidalitako diruarekin, 484 tona hazi erosi zituzten, eta tona horiek 6.920 familien artean banatu ziren. Guztira 3.460 Ha ereini zituzten. Hazia kalitate onekoa zen, eta nekazariak pozik daude, hazia izateaz gain, ona delako.

Ikusi eta sinistu
Olaranek Etiopiako Wukron egindako lanak ikusi dituenik ere bada. Misiolariak 3.800 ume bere ardurapean izateaz gain, indar haundia jarri du, bertako desertizazioari aurre egin eta zuhaitzak landa­tzeko. Prentsaurre­koan adierazi zutenez, «Etiopia­ko paisai lehorra ezagutuz gero, antzematen duzu noiz iristen zaren Aita Olaranen lan eremura, ezer ez dagoen lekuan landare ederrak ageri baitira. Olaranek ohitura omen du, aukera dagoenean, umeak hartu, eta mendira eramatekoa zuhaitzei ura botatzera, zuhaitzen garran­tziaz jabetu daitezen umeak.