ELKARTE arteko mus txapelketa asteartean hasiko da, hilak 13. Aurtengoa 25garren edizioa izango da eta partida guztiak Peña Otaño elkartean jokatuko dira.
Hamabi elkarte
Txapelketan
Hernaniko hamabi elkartek hartuko dute parte: Txantangorri, Ur-Mia, Goiz Eguzki, Elur Txori, Elizatxo, Sagastialde, Peña Otaño, Etxeberri, Karobi, Santa Barbara, Xalaparta eta Gure Txoko. Partida bakoitzean, elkarte bakoitzeko txapeldunek eta azpitxapeldunek jokatuko dute, elkarren artean nahasi gabe; hau da, alde batetik txapeldunen partidak izango dira eta bestetik azpitxapeldunenak. Aurreneko zortzi partidak asteartean jokatuko dira, eta honakoak dira: Txapeldunen artean, Txantxangorri/Ur-Mia; Goiz Eguzki/Elur Txori; Elizatxo/Sagastialde; eta Peña Otaño/Etxeberria. Azpitxapeldunen artean Ur-Mia/Gure Txokoa; Elizatxo/Etxeberri.