partidu ederra jokatu zuten atzo Irunen bai Hernaniko taldeak bai etxeko Real Union taldeak. Lan ederra egin zuten taldeek eta bereziki bi atezainek, baloi ederrak gelditu baitzituzten. Aurkarien atezainak zirrikitu bat utzi zuen, ordea.
Gol olinpikoa sartu zuen Olasagastik
Bigarren partea hasi eta ordu laurdenera inguru sartu zuten gola hernaniarrek. Olasagastik kornerra atera eta gola sartu zuen, gol olinpikoa esaten dena. Itxura batean, bazirudien Aginagaldek errematatu zuela, baina ondoren adierazi zuenez, berak ez zuen baloia ukitu. Beraz, pozik egoteko moduko bi arrazoi ditu Olasagastik. Bi taldeek oso ondo jokatu zuten eta hernaniarrak gainera irabazi. Arduradunak Kronikari azaldutakoaren arabera, pozik eta indartsu dago taldea, egurra emateko gogoarekin.
Hernani eta Vasconia
aurrez aurre gaur
Emakumezkoen Ligan gaur Hernaniko taldeak Vasconiaren aurka jokatuko du etxean, Zubipen. Eguerdiko 12:00etan hasiko da partidua. Hernaniko taldea hirugarren postuan dago, aurrekoetatik ez oso urruti. Aurretik bi talde ditu beraz, eta gaur, hain zuzen, bigarren dagoen taldearen aurka jokatuko du.