aho zabalik geratu zen atzo bat baino gehiago makina bat artixtek egindako lanekin. Goizean jendea bildu zen Atsegindegin, han bildu ziren artixten lanak ikustera: musikariak, abeslariak, graffitigileak, dantzariak, makilatzaileak... denak beren onenak ematen aritu ziren jendearen gozamenerako.
Artixta musikalak
Musikan, esate baterako, esparruaren hainbat alderdi ikusteko aukera izan zen: bertako musikariak baziren, baina baita ere urrutitik etorritakoek ere; musika estiloak ere aukera guztietakoak izan ziren, bateko rappa, besteko perkusioa eta abar. Musika tresna ikusgarriak ere izan ziren; esate batereko, Iban Nikolai oiartzuarrak Australiatik ekarritako diggeridooa.
Makilajea aurpegian eta paretetan
Batzuk musika jartzen zuten bitartean beste batzuk kolorea jarri zioten jaiari. Makilatzaile profesional batek aurpegiari itxura berezia nola eman erakusten zuen bitartean, beste batzuk Atsegindegin bueltan jarrita zeuden panelak irudi koloretsu eta deigarriez bete zituzten, espraiak lagun.
Artixta euskaldunak
Kanpotik etorritako artixtak izan ziren atzo Hernanin, baina asko herrikoak ziren. Topaketa hauen helburua, astixtak harremanetan jartzea da baina baita ere gertu dauden artixten lanak kaleratzea eta ezagutzea.