yone Boutique areto futbol taldeak Lasarteko Ventanas ISU taldearen kontra jokatuko du gaur, kiroldegian. Partidua goizeko 11:30etan hasiko da.
Julen Giraldo entrenatzailearen esanetan, partidu interesgarria izango da, besteak beste, urtero, aurredenboraldiko partiduak talde honen kontra jokatzen baitituzte: «aurreneko mailan urteak daramazkin taldea da Ventanas ISU. Gainera, aurredenboraldiko partiduak beraien kontra jokatzen ditugu eta guretzako partidua derbi modukoa da. Horrez gain, gaur egun Yone Boutiquen dabiltzan jokalari asko, bere garaian talde lasartearrean ibilitakoak dira».
Aidurren emaitza
Ostiralean Aidur taldea Oiartzunen izan zen, bertako taldearen aurka jokatzen. 3-2 irabazi zuten, berez, etxekoen partidua baitzen, nahiz eta kanpoan jokatu. Lehenengo partean 3-1 jarri ziren; bigarren partean 3-2 jarri eta sufritu egin zuten, emaitzari eusteko.