helburua ez da bizitzea bakarrik, baizik eta txukun bizitzea. Wukro herriak gorriak pasa ditu eta askoz okerrago egon da, duela ez aspaldi, baina laguntza beti dela ongietorria adierazi zuten antolatzaileek, «laguntzaren helburua ez baita bizitzen jarraitzea, duintasunez bizitzea baizik». Horregatik, datorren asteburuan, hilak 17 eta 18, Etiopiako Wukro herriari elkartasuna adierazteko jaialdia antolatu dute, bazkari eta guzti. Atzo aurkeztu zuten jardunaldia antolatzaileek prentsaurrean.
Larunbatean Antziolan
Larunbat arratsaldean Antziolako atletismo pistan izango da jaia, arratsaldeko 16:00etatik aurrera. Ume jolasak izango dira, betikoak eta bereziak, izan ere, Wukroko umeen eguneroko bizitza ezagutzeko jokoak egingo dituzte, Irriak Eraikitzen taldearen eskutik. Horretarako, hango etxe bat eta eskola bat irudikatuko dituzte, esate baterako.
Igandean bazkaria
Igandean bazkaria izango da Atsegindegin, Garagardo Azokarako jarriko den azpiegitura aprobetxatuz. Eguerdiko 14:00etan izango da eta sarrerak salgai daude 22 euroan Oa komestible dendan, Iruretagoiena liburudendan, ostegunetan ferian jarritako postuan eta Migel Lujanbiok ere saltzen ditu. Postu horietan, bazkariko txartelez gain, bestelako materiala ere badute saltzeko: arkatzak, mantalak, pinak eta abar. yy