Internet landuko dute urrian, aurten berrikuntza bezala Wifi gunea jarri baitute

GAZTE txokoak duela aste batzuk ireki zituen berriz ere bere ateak, udako etenaldiaren ostean. Jakinarazi dutenez, ikasturte honetako zerbitzu edo baliabide berrietako bat izango da Wifi gunea jarri dutela bertan. Horrela, gazteek bere portatila eraman eta interneten ibiltzeko aukera izango dute, beti ere hezi­tzaileen gainbegiradapean.

Urrian Internet gaia
landuko dute
Baliabide berri hau aurkezteko urrian Internet gaia landuko dute, eta horretarako bi ekintza antolatu dituzte: aurrenekoa izango da interneten inguruko iragarki ba­tzuk jartzea eta gazteekin gain horren inguruan eztabaidatzea. Bigarrena berriz, izango da gazteei transmiti­tzea internet erabiltzen jakiteak duen garrantzia. Hau da, adierazi dute gazteei erakutsi nahi dietela internet bere horretan ez dela ez ona eta ez txarra: «gauza guztiak bezalaxe, internetek bere alde onak eta txarrak ditu, erabil­tzen jakitean dago gakoa. Gure helburua da gazteek hausnartzea internetek di­tuen abantailen eta de­sa­bantailen inguruan.

Urrian beste hainbat ekintza ere izango dira
Internet zerbitzuaz gain, urrirako beste hainbat ekitaldi ere antolatu dituzte Gazte Txokoan. Kirol ekintzei da­go­kienez, gaur minigolfean euren punteria probatzeko aukera izango dute gazteek. Horrez gain, urriaren 10 eta 11n Elorrabin piraguismoa egiteko aukera izango dute.
Eskulanak gustuko dituztenentzako ekintzak ere antolatu dituzte. Urriaren 14 eta 15ean larruzko pultserak egin­go dituzte; urriaren 21 eta 22an belarritako tailerra izango da; eta urriaren 28an su­kaldaritza tailerra izango da.
Azkenik, hilabete osoan zehar hainbat lehiaketa antolatu dituzte: trivial lehiaketa, xake txapelketa, blokus lehiaketa eta bikote-mikote lehiaketa. yy