Hernaniarren sasoia nagusitu zen atzo Landaren

Partidu bat eta garaipen bat. Ligari hasiera bikaina eman zioten atzo hernaniarrek, Durangori 33-8 irabazita.
Lehen zatia oso parekatua izan zen. Aurrean duran­ga­rrak gehiago ziren, eta Her­na­niko atzelariek ez zuten nahi adina aukera izan. Biga­rren zatian, ordea, Hernanik erritmoari eutsi zion eta pixkanaka nagusitzen joan zen zelaian, bizkaitarrak nekatu ahala. Hernaniko au­rre­lariek dominatu zuten bigarren zatia, eta atzelariei baloi gehiago iritsi zitzaien:  bigarren zatian 3 entsaio egin zituzten.

5 entsaio, 2 gauzaketa eta zigor kolpe 1
Bost entsaio lortu zituzten hernaniarrek: Jokin, Pernas, Olano, Arkaitz Otaño eta Apezetxeak. Bi gauzaketak eta zigor kolpea Iraitzen lana izan ziren.

Jokatu zutenak 22, eta 2 lesio
Atzo 22 mutilek jokatu zuten partidua Hernaniko taldean: lehen lerroan, Sa­rasola, Boli, Orbegozo; biga­rrenean, Ote­gi, Pernas; hiru­garrenean Ota­­ño II, Otaño I, Pelaz; erdi melean, Borja; aper­tura: Iraitz; hegaletan: Olano, Pe­ña; erdilari, Jokin, Etxebe eta atzean, Oier. Biga­rren zatian atera zirenak: Apo, Insausti, Guti, Casado, Apezetxea, Haritz Illarra eta Genua.
Bi lesionatu arin izan zi­ren: Sarasola eta Jokin. Eta arduradunen ustez, atzoko joka­la­ririk onena Oier Gar­mendia izan zen. yy