Gipuzkoako txapelketako lau partidu gaur

Gipuzkoako pelota txapelketaren barruan, gaur, lau partidu jokatuko dira. Eskuz bikotekako lehenengo partidua kadeteena izango da eta Hernanin jokatuko da. Urkizu-Murgiondo/ Oiarpe taldearen aurka ariko dira 16:30etan hasita. Partidua bukatuta, jubenilek jokatuko dute. Etxenike-Elorza/ Txapagain taldearen aurka neurtuko dira. Nagusien bi partidu ere izango dira arratsaldeko 17:00etan hasita. Bikoteka Ozkarbi taldea izango dute aurrez aurre Ojuel-Gorrotxategik. Elgetan jokatuko dute. Eta buruz burukoan Eibar taldeko pelotariarekin neurtuko da Ioritz San Sebastian, Eibarren bertan.