Lizeaga sagardotegiak irabazi du Astigarragako Kizkia taldearen txapelketa

hilabete osoa sagardoak probatzen eman ondoren, Kizkia taldeak atzo erabaki zuen zein den aurtengo sa­gardo txapelketako irabazlea. Astigarragako Lizeaga sagardotegiak irabazi zuen txapelketa, 149.5 punturekin; bigarren, Hernaniko Altzue­ta izan zen, 138 punturekin; eta hirugarren Astigarra­ga­ko Oiarbide sagardotegia, 133 punturekin.

Hemeretzi sagardotegi
Txapelketan hemeretzi sa­gar­do­tegik hartu dute parte, Astigarragakoak eta Herna­ni­koak, baina baita ere Donostiako batek, Oiartzun­go bik, Urnietako hiruk, Usurbilgo batek, Andoaingo batek, Aiako batek eta As­teasuko batek. Sailkape­nean laugarren postua Elo­rrabik lortu zuen, bosgarrena Pe­tri­tegik eta seigarrena Usur­­bilgo Urdaira sagardotegiak.