hernaniko saskibaloiko kadeteek eta seniorrek irabazi egin zuten asteburuan. Partidu bat zein bestea ez ziren oso onak izan, akats mordoska izan baitzen alde guztietatik.
Kadeteek 55-36 irabazi
Kadeteak Atletiko San Sebastianen aurka aritu ziren. Partidua justu samarrekoa izan zen. Atsedenaldia egiterako, 19 puntuko aldea zegoen markagailuan. Bigarren partea eskasa izan zen, ahazteko modukoa, akats asko izan baitziren eta kontzentrazio falta haundia sumatu zen. 55-36 bukatu zen partidua.
Seniorrek irabazi etxean
Seniorrek ostiralean jokatu zuten etxean Oiartzungo Saskilagunak taldearen aurka eta 57-41 irabazi zuten. Akats mordoska izan ziren denboraldiko lehenengo partiduan, baina bigarren laurdenean aurretik jarri eta aldeari eutsi zioten.
Jubenilek galdu
Jubenilek berriz, galdu egin zuten, 60-40, zarauztarren kontra. Zarauzkoak nagusi ibili ziren; hala ere, hernaniarrak lan eginda itzuli ziren.