Hernaniko AAMek salatu du preso eta iheslarien egoera geroz eta larriagoa dela

Hernaniko Amnistiaren Aldeko Mugimenduak gogor salatu du euskal preso eta iheslariek gaur egun bizi duten egoera, Kronikara bidalitako prentsa oharraren bidez. Oharrean diotenez, eskubideak aspalditik urratuak izateaz gain, kartzeletan bizi duten egoerak ere txarrera egin du: «Azken aldian presoen eta iheslarien egoera geroz eta larriagoa da: Jipoiak, miha­ketak, bisita murrizketak etab. Horrez gain, gerra zikinaren itzala ere hor dugu Jon Anzaren desagerpenarekin, eta hainbat militanteren bahiketarekin». Prentsa oharrean adierazita­koaren arabera diote guztien esku dagoela egoerari aurre egitea eta aldarrikapenak kalean mantentzea: «orain gainera, preso eta iheslariekiko elkartasuna eta eskubideen defentsa galerazi dute, ka­lee­tatik izkutarazi eta isilarazi nahi gaituzte. Guztion esku dago erre­presio gordin eta eskubideen urraketa etengabe honi aurre egitea, eta era berean, al­da­rrikapen hau kalean man­tent­zea». Oharraren amaieran dei egit­en die herritarrei bande­rolak balkoietan jartzeko: «AAMtik dei egiten diegu herritar guztiei Euskal presoak eta iheslariak Euskal Herrira banderola balkoietan jartzera, elkartasuna guztion lana baita»