txantxillako obrak aurrera doaz eta atzean geratu dira dagoeneko garai bateko futbol zelaia, eta pixkanaka desagertzen ari den aparkalekua. Azken hau pixkanaka txikituz joan da eta hemendik gutxira desagertuko da. Txantxilla urbanizatzeko lanak ez dira makalak, eta hortaz fase ezberdinetan daude banatuta. Aurreneko pausua izan zen goi-tentsioko aire linea lurperatzea; Inmakulada ikastetxearen barruan zegoen poste elektrikoa desagerrarazi dute, eta hilerrira arte doan elektrizitate linea errepide ertzetik lurperatu dute. Horrez gain, lur mugimenduak eta horniketa zerbitzuen preparatiboak ere amaitzera daude. Lur azpian eraikitzen ere hasiak dira, 3 pisu dituen soto haundi bat eraiki baitute, 10 metroko altuera duten horma prefabrikatu batzuekin. Gerora altxako diren etxebizitzak horma honen inguruan eraikiko dira. Txantxillan, guztira 190 etxebizitza egingo dituzte, horietatik 68 Babes Ofizialekoak izango direnak. Etxebizitzak lau eraikinetan banatuko dira, eta 13 atari izango dituzte.
Hurrengo fasea: sarrera berria eta errotonda
Hurrengo lan fasean Hernaniko sarrera berria eta errotonda egingo dituzte. Sarrera berria Inmakulada Ikastetxearen alboan altxa duten hormaren ondotik pasako da.
Etxeak erosteko aukera
UTE Txantxillak, obra egiten ari diren enpresek, Kronikari adierazitakoaren arabera, oraindik ere badago etxebizitzak erosteko aukera. Informazio gehiagorako 943 42 95 21 telefonora deitu.