2009-2010 denboraldian Hernaniko bi talde arituko dira lehian Areto Futbolean. Yone Boutique taldeak aurreneko mailan jokatuko du eta Aidur hirugarren mailan.
Yone Boutique-Garetxe Lazkao
Yone Boutique areto futbol taldeak gaur hasiko du denboraldia Garetxe Lazkao taldearen kontra. Aurten gainera, hiru jokalari berri arituko dira. Hiruak 21 urte azpikoak dira, hala behartzen baitituzte. Julen Giraldok adierazitakoaren arabera, jokalari berriek taldeari beste ukitu bat emango diote: «taldekide berriek izena dute Aitor, Mikel eta Aitzol, eta oso ondo egokitu dira taldera, haize berria ekarri dute». Denboraldi honetan baita ere entrenatzaile-kolaboratzaile berria izango dute, Manu.
Aidur-Garcia7trinkete
Aidur taldeak berriz hirugarren mailan jokatuko du, eta talde honen helburua da harrobi lanak egitea. Aidurreko jokalari gehienak joan den urteko Perfyde taldekoak dira. Joan den urtean ere hirugarren mailan jokatu zuten eta laugarren lekuan geratu ziren. Aurten mailaz igotzea izango dute helburu. Partidua gaur, 20:00etan, Irunen, Garcia7Trinketeren kontra. yy