chillida-Leku museoa zinearen inguruko aktore haundien bisitak jasotzen ari da azken egunetan. Donostiako Zinemaldia dela eta, Brad Pitt aktorea izan zen bertan joan den asteburuan, eta ostegunean berriz, Sir Ian McKellen aktorearen bisita izan zuten. Aktoreak jaso du aurtengo Donostia Saria, eta berarekin museoan izandakoek adierazitakoaren arabera, saria jaso izanaren poza eta emozioa nabari zitzaion oraindik bere aurpegian.
Ordubete baino
gehiago museoan
Sir Ian McKellenek goitik behera bisitatu zituen Eduardo Chillidaren obrak, bai museoko jardinetan zehar, eta baita Zabalaga baserrian ere. Ondoren, Ohorezko Bisitarien liburuan sinatu zuen, honakoa idatziz: «bizitzako esperientzi ahaztezina, eskerrik asko, Sir».