‘inmigrazioa eta integrazioa’ hitzaldi-tertulia izango da bihar Hernanin, AMHER elkarteak antolatuta. Hitzaldia ematera Francisco Torres Perez etorriko da Valentziatik. Bertako unibertsitateko irakaslea da Torres soziologoa. Asmoa da hitzaldiaren ondoren, tertulia egitea. Saioa irekia izango da eta antolatzaileek dei egin diete nahi duen guztiei bertan parte hartzeko.
Inmigrazioaren bilakaera
Soziologoak azken urteetan inmigrazioak izan duen bilakaera aztertuko du. Eta era berean etorkinak ikusteko modu ezberdinak ere aztertuko ditu, izan ere, autorearen arabera etorkinak behar ekonomikoaren arabera onartu izan dira askotan eta behar horien arabera joan-etorrian ibiltzen diren per-tsonak bezala ikusten dira.
Inmigrazioaren argi-ilunak
Soziologoaren esanetan, etorkinen etorrerak argi-ilunak ditu. Alde batetik, etekin ekonomikoa, kulturala, demografikoa eta abar ekarri dituzte; bestetik ordea, eman den integrazioa azaleko samarra izan da, beharraren araberakoa izan delako.
Kontuz mezuarekin
Soziologoak adierazitakoaren arabera, kontuz ibili behar da etorkinen inguruko mezuekin, batez ere Gobernutik eta, askotan komenientzira erabiltzen diren pertsonak bezala tratatzen baitira, eta bada garaia erabakitzeko beharren arabera joan-etorrian dabiltzan pertsonak edo gizartean integratuak dauden pertsonak diren erabakitzeko.