Hamar metro luze eta hiru metro zabal dituzte Victor Goikoetxeak udaletxean jarri dituen bi muralek. Suitzara dijoaz, Ginebra ondoko La Villa de Meniers herrira (15.000 biztanle). Aurretik, ordea, hernaniarrek aukera izango dute ikusteko, maiatzaren 28ra arte, Pleno Aretoan.
Bi mural hauek eta beste bat, 40 m2-koa, La Villa de Meniers herrira dijoaz, eta ekainaren 12an inauguratuko dituzte, bertako plaza nagusian, lurrazpiko parkin irteeran.
Ginebrako baserritarrak
Baserritarrak dira protagonista bi muraletan. Historikoki bi herri horietan ardoa, garia eta bestelako zerealak egin ditu baserritarrak, eta artistak horri egin nahi izan dio erreferentzia. «Omenaldi bat da, baserritarrei. Lanean ageri dira, esfortzua ikusten da, lurra, landutako lurra, eta abereak lanean, zaldiak eta mandoak, horiexekin egiten baitzuten lana».
Muralen koloreak ikusgarriak dira, eguzki tonu gorriak eta zeru urdinak, lur nabar eta pitzatuak... Hiru testu jarri dizkie muralei, hiru bertso dira, Ginebrako baserritarrek kantatzen dituztenak. «Nere lurra ez da probintzia bat bezain zabala, baina ni printzea sentitzen naiz bertan, eta kantari aritzen, egun guztian...»
Murala eta bozetoak
Murala eta bozetoak ikusteko aukera dago goizez (09:00-13:00) eta Goikoetxea bera ere egongo da azalpenak emanez arratsaldez (18:00-20:00).