Herriko gazte talde bat lanean aritu da azken hilabeteetan Kontrakantxa Gaztetxea txukuntzeko, egin beharreko aldaketa eta konponketak egiteko, eta garbitzeko.
Hori horrela, gaur arratsaldeko 19:00etan ateak irekiko ditu berriro Gaztetxeak. Gainera, aste osorako egitaraua prestatu dute irekiera ospatzeko, eta horren berri ere emango dute.
Guar, irekiera eta bilera, herritar guztiei zuzendua
Gaur arratsaldeko 19:00etan irekiko ditu ateak Kontrakantxa Gaztetxeak. Lehenengo egitekoa izango da bilera bat egitea.
Gazte Asanbladako kideak orain arte lanean aritu dira Gaztetxea txukuntzeko, eta bertako funtzionamenduaren eta arauen inguruko proposamen bat prestatu dute. Asmoa da, gaurko bileran ahalik eta herritar eta herriko talde eragile gehienekin biltzea, proposamen hori aztertu eta Gaztetxeko erabilera arauak denon artean adosteko.
Izan ere, Gazte Asanbladako kideek azaldu dute Gaztetxea herritar guztientzako zabalik egongo dela, izan haur, gazte edota heldu.
Aste guztirako egitaraua
Bestalde, Kontrakantxaren irekiera ospatzeko aste osoko egitaraua prestatu dute. Gaur emango dituzte xehetasun gehiago, baina besteak beste, hauek izango dira prestatutako ekintzak: haur jolasak, xamurtasun tailerra, jolas txapelketa, pintxo-potea, kontzertuak...