Sei kontzertu maiatzean, ikasturte bukaerari errematea emateko

Ikasturtearekin batera hasten dituzte Hernani Musika Eskolako ikasleek instrumetu klaseak: akordeoia, biolina, pianoa, txalaparta... Urte osoan zehar ikasi eta entsaiatzen dituzte piezak: irakasleen laguntzarekin Musika Eskolan bertan, eta aukera dutenek, baita etxean ere. Maiatza da dagoeneko, eta aste gutxi gera­tzen dira ikasturtea bukatzeko. Beraz, iritsi zaie orain arte ikasitakoa jendaurrean erakusteko garaia. Aurrez asko en­tsaiatutako piezak eskainiko dituzte datozen asteetan antolatutako sei emanaldietan. Gehienak, txis­tulariena kenduta, kontzertu itxiak izango dira; hau da, ikasleen guraso, lagun edo gertukoei zuzendutakoak.
Akordeoi ikasleen kontzertuak hasiko du zikloa. Bi egunetan emango dituzte: ostegun eta ostiralean, Milagrosako kaperan, 17:00­etan. Soinu tresnen aurkezpena egingo dute hilaren 19an; hirugarren kontzertu hau Biterin izango da, 18:00etan. Laugarren kontzertua teklatu ikasleek eman­go dute, hilaren 21ean; Biterin baita ere, arratsaldeko 18:30­etan. Eta itxia izango den azken kontzertua Musika Eskolako ikasle helduek emango dute;  hilaren 23an izango da, ilun­­­tzeko 19:00­etan, Mila­gro­san.
Doinu herrikoi eta alaiak,
txistularien kontzertuan
Urtean zehar 3-4 kontzertu ema­ten dituzte Hernani mu­sika es­kolako txistulariek; hilaren 25­ean arkupetan emango dutena izan­go da zikloko azkena. Txis­tulariak arkupetan izena jarri diote, eta doinu herrikoiez eta alaiez jantzitako egitaraua an­tolatu dutela azaldu diote Kro­ni­kari: «udaberri-udako fes­ta ga­raia­ri eta ikasturte bukaerari be­­gira osatu dugu errepertorioa».

Hogeita hiru txistularik hartuko dute parte ikasturte bukaerako kontzertuan.

Izenak berak dioen moduan, emanaldia arkupetan izango da, 12:30etan. Txistularientzat ohi­­koak eta ezagunak diren obrak uztartuko dituzte, ikastolen inguruko doinu ezberdinekin; dantzarako soinuek ere, izan­go dute tartea. Abestiak: Ikastolak, Maitea nahi baduzu, Egoki, Añana-Gesaltzako dantzak, Puiuelo, Pello Joxepe, Itxa­ropena, Adaleradun baltsa, Pox­polina eta Haurtxo denok elkarturik.
Musika Eskolako txistu taldea 16 lagunek osatzen dute, bai­na kontzertu berezi honetarako txikien taldeko 7 gaztetxo ere animatu dira. Txistu­la­riak: Eli Ansorena, Idoia Ansorena, Jon Ansorena, Iker Apaolaza, Xabier Apaolaza, Iraitz Apez­te­gia, Ander Arandia, Julen Bera­za, Josu Boneta, Iñaki Eguren (zuzendaria), Nahia Etxeberria, Haritz Ezeiza, Maddi Galarza, Aitziber Garin, Olatz Gonzalez, Ihintza Iriarte, Eider Orueza­bala, Jon Patxe (atabala), Irati Rekondo, Ane Sanz, Ane Telletxea eta Manex Ugalde.