Karmelo Labaka Lanbide Heziketako zentroak bilera informatibo bat antolatu du astearterako, langabetuei edota dagoeneko lanean daudenei zuzendua. Asmoa da azaltzea, besteak beste, zein aukera dituzten ziklo bat egiteko, nola lortu ditzaketen kualifikazio profesionalak eta profesionaltasun ziurtagiriak... Baita ere, azalduko zaie nola lortu ditzaketen lanbide gaitasuna akreditatuko dien egiaztatzea edo konbalidazioa, orain arteko lan jarduera justifikatuta. Azkenik, orientazioa ere eskainiko zaie, eta Hernani BHIko eskaintzaren berri emango zaie. Guztia, asteartean, 18:00etan Biterin.