MUGIKORTASUN astea ari da izaten honakoa, eta automobilak ez diren beste garraioak bultzatzeko ekintza mordoska antolatu dituzte. Ekintzak joan den astean hasi baziren ere, azpirragarrienak bihartik igandera bitartean izango dira: bizikleta konpontzeko ikastaroa, patinetan ibiltzeko ikastaroa eta ibilbidea, ginkana eta bizikleta festa .
Bi ikastaro bihar
Bihar esaterako, bi ikastaro izango dira. Patinetan ibiltzen ikasi nahi dutenek, aukera bikaina izango dute, ikastaroa antolatu baitute. Ezkiaga pasealekuan izango da, 17:30etatik 19:00etara. Ikastaroan parte hartzeko izena eman behar da, 943 57 54 31 telefonoan, goizez.
Bihar baita ere, bizikletak konpontzen ikasteko ikastaroa izango da. Hau ere Ezkiaga pasealekuan izango da, ordu berean.
Patin eta bizikleta festa,
eta ginkana asteburuan
Mugikortasun asteko ekintza nagusiak asteburuan izango dira. Larunbatean patin festa izango da goizeko 10:00etatik 12:00etara. Egun berean ere, Koxka taldeak proposatuta Nire lekuan jarri ginkana izango da. Atsegindegin izango da, 17:00etatik 19:00etara.
Igandean berriz, aurtengoarekin hirugarren aldiz, Bizikleta festa izango da, 09:30etatik 12:00etara Plaza Berrin.