Festa gastronomikoaren hamargarren edizio honetan Elisa eta bere herrikide boliviarrek jaioterrian hain tipikoak diren salteinak prestatuko dituzte. Elisak berak dioenez, «Boliviako erdialdean kokatua dagoen Cochabamba hiriko merkatuan ohikoa da eta hamaiketako bezala jaten da normalean». Bertako jaki batekin konparatu beharko balitz, hemengo enpanadilen antza izango lukete.
Salteinak bertako jaki batekin konparatu beharko banituzke, enpanadillen antza dutela esango nuke
Nola prestatu?
Salteinen prestaketa egun bat lehenago hasten da. Hasteko, masa bat egiten da gurina, azukrea, irina, olioa eta ‘achiote’ izena duen espezieak erabiliz. Masa hozkailuan utzi behar da gau batez. Jigotea, masa betetzeko nahasketa ere, egun bat lehenago prestatu behar da: oilaskoa, haragia, patata egosia, tipula eta ilarrak beharko dira rellenua prestatzeko.
Elaborazioak hurrengo egunean du segida. Hozkailuan dugun masa jigotearekin, azeitunekin eta aurrez egositako arraultzekin beteko dugu. Enpanadila gisa itxi, laberatu eta jateko prest aterako ditugu!