Txalaparta festa, eboluzioaren testigu

Txalapartaren eboluzioa na­barmena izan da azken ha­markadetan, eta horren tes­tigu izan da Hernanin an­tolatzen den Txa­laparta Festa. Bi festa egun antolatu dituzte aurten, 28. edi­zioaren buel­tan: da­torren ostirala eta la­run­bata. Hiru atal nagusitan ba­natu dute: atal teorikoak, emanaldi bereziak eta Txa­laparta Festa

Kontzertu didaktikoa, ‘Hutsun’ taldearekin
Topaketara gerturatzen dire­nek ostiral iluntzean dute aurreneko zita: Hutsun tal­dearen emanaldia. Kontzertu didaktikoa izango da, txa­la­partaren eboluzioaren berri emango baitute bertan. Ja­torritik hasi, eta gaur egungo era mo­derno eta garaiki­de­raino iritsiko dira. Erritmoak non, noiz, nola eta zergatik sortu zi­ren azalduko dute; eta on­doren jo egingo dituzte, ber­taratutako guztien goza­me­nerako: «tradiziozko tau­pa­dei, elementu berriak ge­hituz joan gara: egur mota ez­berdinak eta material berriak, harria, burdinak, bidoiak... Ho­rri esker, soinu propioak lortu ditugu».
Kontzertua Biteri kultur etxean izango da, 19:30etan; sarrerak 6 euro balioko du.

Festa irekia, gauerdian
Gauerdiko 00:00etatik aurrera Atxur tabernan izango du se­gi­da festak. Txalaparta Par­ty Apar­­ta antolatu dute. Bi DJ ari­ko dira musika jartzen, eta txa­la­parta bat ere izango da bertan, nahi duenak jo dezan. Fes­ta irekia izango da; hortaz, he­rritarrak animatu nahi di­tuz­te gerturatu eta pro­batzera.  

Festa, goizean goizetik
Larunbata dute egun garran­tzi­­tsua. 11:00etatik au­rre­ra Tta­­kun 3.0 programa aur­kez­tuko dute Musika Es­ko­lan. Txala­partarako zehazki disei­na­tutako programa da, orain hobetu eta modifikatu du­tena. Sarrera librea izango da.
Egurdi partean erromeria ibi­liko da kaleak girotzen. 12:00­etan aterako dira Her­nani Musika Eskolako Alboka, Dultzaina, Trikitixa eta Txistu taldeak. Txalaparta saio li­break izango dira protagoni­s­ta eta eszenatokia, Tiloseta. Sagar­doa edateko aukera ere ja­rriko dute; eta denda txiki bat ere bai, txa­la­par­tarekin lotutako materiala erosteko.
Indarrak berreskuratzeko tartea ere jarri dute. Eguerdian bazkaria antolatu dute Atsegindegin. Txartelak au­rrez erosi behar dira: Musika Es­kolan, 943 33 70 50 tele­fo­nora deituta edo aitorbeltran@yahoo.es edo soinuenea@soi­nuenea.org.

Larunbat eguerdiko bazkarirako txartelak salgai daude Musika Eskolan, emailez eta telefonoz.

Jaialdi nagusia, arra­tsal­de­ko 17:00etan hasiko da. Euskal Herriko txoko ez­ber­dinetatik etorritako txalapar­tariek hartuko dute parte; eta Bertso Eskolako kideen laguntza ere, izango dute.
Eta bukatzeko, aurtengo nobedadeetako bat: Txalapo­teoa. Jaialdi nagusia buka­tzean, herrian zehar  za­balduko dituzte txalaparta ho­tsak. Tabernaz taberna ibiliko dira txalaparta jotzen, inda­rrak agortu arte!