Txotx denboraldia bukatu den honetan, Sagardoaren Lurraldeak balorazio positiboa egin du. Azaldu du, aurten nabarmentzekoa dela txotx irekiera ekitaldian izan zen atzerriko medioen presentzia haundia. “Horrek, aurten eskualdeko sagardotegietara nazio mailako eta atzerriko bisitarien kopurua haunditzea eragin du”, dio. Krisiaren eragina, gehienbat, gipuzkoarren artean nabaritu dela nabarmendu du: “Bertakoen sagardotegietarako joan-etorria jaitsi egin da”. Sagardotegiak beteta egon dira larunbat eguerditan eta sagardotegietan antolatu dituzten probaketek arrakasta haundia izan dute.