Lehengo urteko emaitza onei esker, aurtengoan, pelotari hernaniarrak zuzenean sartu dira XI. Berria Txapelketako final zortzirenetan. Bihar jokatuko dituzte lehenengo partiduak, goizeko 10:45etatik aurrera, Hernaniko kiroldegiko frontoian. Iruñeako Oberena klubaren aurka jokatu beharko dute. Honek Amorebietako Lagun Onak klubari irabazi dizkio prebiako 3 partiduak, eta beraz, giro polita izango da bihar kiroldegian. Kadeteetan jokatuko dute Pagola-Lazkanok, Oberenako Garcia-Cordonen kontra. Jubeniletan ariko dira Labaka-Erasun, Oberenako Jamar-Iruritaren kontra. Eta seniorretan, Ojuel-Lizeaga, Oberenako Lopez-Etxegoien kontra.