Azken partiduak datorren astean, final zortzirenen aurretik

Lehia polita ikusteko aukera izaten ari da aurtengo Tilos 7 Pasa pala txapelketa herri­koian. Hilabete da txapelketa hasi zela, eta datorren astean bukatuko da ligilla. Hurren­goan, mutilen final zortzire­nak hasiko dira; maiatzaren 19ko astean.
Aurten, lehenengo aldiz, mu­tilek bi mailatan bana­tuta jokatu dute, eta ho­rri esker, oso partidu pare­katuak jokatu dituzte. Final zortzire­nak hasteko astebete falta da, eta oraindik asko dago jo­koan. Neskek, berriz, zuze­nean final erdiak jokatuko dituzte ekainean.

Oreka, bi mailatan jokatzeari esker
Lehenengo aldia izan da aur­tengoa, mutilek bi mailatan banatuta jokatu dutena, eta antolatzaileak oso pozik dau­de emaitzarekin. Partiduak orekatuagoak izan direla diote, eta oraindik ez dagoela argi zein izango diren au­rrera jarraituko duten biko­teak. Maila bakarrean joka­tzen zenean, ligilla bukatu aurretik argi ikusten zen nork segiko zuen final erdie­tara, baina aurten, postu asko tanteoak erabakiko ditu.

Ligilla bukatuta, hurrengo astean hasiko dira mutiletan final zortzirenak. Nesketan, zuzenean 4 bikote pasako dira final erdietara.

1go mailan 12 bikote final zortzirenetan; 2garrenan 16
Datorren asteko partiduak pasata hasiko dira final zor­tzi­renak mutiletan; maia­tza­ren 19ko astean. Bigarren mailan 16 bikote pasako dira, eta lehenengoan 12, jende gutxiago baitago maila ho­ne­tan. Hauen artean 6 one­nak pasako dira zuzenean final erdietara, eta gainon­tze­ko 6 bikoteen artean repes­kako partiduak jokatuko dira final erdietara pasako diren beste 2 bikoteak zein izango diren jakiteko. Bigarren mailan, 8 bikotek egingo dute aurrera.
Nesketan, 4 bikote zuzenean finalerdietara
Nesketan jende gutxiago da­go, eta, beraz, ligilla buka­tu­ta, ez da nesken partidu gehiago egongo ekainera arte. Orduan jokatuko baitira final erdiak. Zuzenean, 4 bikote onenak pasako dira bertara.

7 partidu ligilla bukatzeko
Final zortzirenak hasi au­rretik ligillako azken par­tiduak falta dira. Gehienak, neskenak.
Asteartean jokatuko dute Ixone eta Garbiñek, Amaia eta Alazneren aurka; Txetxo eta Popinek, Iñaut eta Mi­ke­len kontra; eta Maitane eta Uxuek, Loli eta Ixiarren aur­ka. Osteguneko partiduak izango dira: Leire-Amaia/ Amaia-Alazne; Idoia-Iratxe/ Larraitz-Itxaso; eta Maitane-Uxue/ Idoia-Iratxe. Azkenik, os­tiralean jokatuko dute Jonkar eta Nanik, Imaz eta Elizalderen kontra.