Nafar kaleko Berrerabilpen zentroak martxan jarriko du berriro ere josteko tailerra.
Asmoa da josten eta konponketak egiten ikastea, lehenago egiten zen bezala. Eskuz nahiz makinaz josten erakutsiko da, eta baita puntua edota gantxilloa egiten ere. Hasierako materiala berrerabilpen zentroak berak jarriko du erabiltzaileen eskura.
Ordutegiak, malguak
Ikastaroak astelehenetik ostiralera emango dira, egunean 2 orduz. Baina bakoitzak nahi duen ordu kopuruetarako eman dezake izena. Gutxienekoa jarri dute, astean 2 ordu. Gainontzean, nahi izanez gero, egunero, edota astean behin hartu daiteke parte. Apuntatzeko, dendatik pasa edo deitu: 943 50 63 41.