gravni Txapelketako finaletan Hernaniko izena fuerte entzungo da, gaur, Gasteizen jokatuko diren finaletan. Nesken pala txapelketetan, sei finaletatik hirutan hernaniarrak ariko dira. Bost hernaniar dira finalak jokatuko dituztenak: Manzisidor, Goikoetxea, Irazustabarrena, Huizi eta Arrieta. Goizez eta arratsaldez jokatuko dira finalak, Astronomos trinketean eta Abetxukoko frontoian, eta nabarmentzekoa izango da, baita ere, Gipuzkoako selekzioaren presentzia, sei finaletatik bostetan ariko baitira.
Astronomos trinketean, izarrik onenak, bi finaletan
Trinketeko finalak goizean jokatuko dira, 10:00etatik aurrera, Astronomos trinketean. 22 urtez azpikoetan, Miren Goikoetxeak eta Amaia Irazustabarrenak jokatuko dute, Iparralderen kontra. Jubeniletan ere bi hernaniar ariko dira, Maider Huizi eta Ariane Arrieta, Iparralderen kontra, horiek ere. Nagusietan ez da hernaniarrik: Gipuzkoak eta Nafarroak jokatuko dute finala.
Final latza arratsaldean, Arabaren kontra
Ezker paretako finaletan, Goiatz Manzisidorrek jokatuko du, Maider Mendizabal lagun duela, Arabako bikotearen kontra. Goi mailako bi bikotek neurtuko dituzte indarrak, arratsaldeko 17:00etatik aurrera, Abetxukoko frontoian. Jubeniletan Bizkaia eta Araba ariko dira, eta 22 urtez azpikoetan Araba eta Gipuzkoa.
Urtez urte, GRAVNI txapelketako maila igotzen ari da.