Ostiral honetan, Demode Quartet laukotea berriro ere Hernanin ikusteko aukera izango da. Hernani’n Musik ekimenaren barruan, emanaldia eskainiko dute, iluntzeko 20:00etan, Biterin. Sarrerak gelditzen dira oraindik, Biterin, 7 eurotan.
Ahots-jokuz eta umorez osatutako narrazioa
Emanaldiak Epa! izena du. Euskal kantuekin osatu dute; aspaldikoak batzuk, eta oraingoak beste batzuk. Patxi Barcok, Kepa Errastiren laguntzarekin prestatutako gidoi baten hariari tiraka, munduko musika molde ezberdinen benetako jatorria zein den argituko omen dute bertan.
Hau da, munduko mota guztietako musika hartuko dute (countrya, samba, Bollywood, pop modernoa...), eta denen oinarrian euskal musika dagoela frogatuko dute. Hori guztia, soinu-tresnek lagunduta.
Tartean, hernaniar bat
Joli Pascualenak, Iker Huitzik, David Roscok eta Mikel de la Fuentek osatzen dute taldea; azken hau, hernaniarra da, eta ahotsa eta teklatua jartzen ditu. Gainontzekoek, ahotsak, eskusoinua, gitarra, gitalelea...