garaipenarekin bukatu eta liga borobiltzea zen atzo, trikoloreen nahia. Vigoren kontra jokatu zuten denboraldiko azkeneko partidua, galiziarren zelaian, eta etxekoak izan ziren jaun eta jabe partidu osoan. Bi taldeek ez zuten ezer jokoan, eta dibertsiorako tartea izan zen atzokoa. Vigok 3 entsaio egin zituen aurreneko zatian; eta hernanik bakarra, Otaegiren eskutik. Bigarren zatia parekatuagoa joan zen, hiruna entsaiorekin. Etxeberria eta Mujikak egin zituzten trikoloreeen aurreneko biak, eta hirugarren zigor entsaioa izan zen. Emaitza: 41-26.
Harrobiko jokalariei, aukera
Trantsizio urtea izan da aurtengoa Hernanirentzat, jokalari gazte asko aritu dira talde nagusiarekin. Segurtasuna eta konfiantza hartzeko urtea izan da. Azken minutura arte borrokatu beharrik gabe lortu dute trikoloreek aurten salbazioa, eta horrek kanpora begira ere, itxura ona ematen du. Atzoko partiduan denboraldian zehar minutu gutxi izan dituzten jokalarien txanda izan zen.