Maiatza bukaeran sartuko da Hernani herriartekoan

Guztira 23 talde, iaz baino bat gehiago, eta inoiz baino parekotasun haundiagoa izan­go dira aurtengo herriar­tekoan. Hernani final zortzi­re­netan sartuko da, eta Elgoibar edo Ataun izango du aurrean, bi horiek elkarrekin neurtuko baitira maiatzaren 11ko aste­buruan. Elgoibarren kontra irabaztekoak ditu Hernanik; Ataunen kontra ez jakin, eze­zaguna baitute taldea. Aurten baino talde hobea izan du Hernanik, baina ilusioz dira, pauso batzuk emateko auke­rak bai baitituzte, egutegia ere alde izaki.
Txapelketa datorren as­te­an hasiko da, maiatzaren 9an, baina hernaniarrak maia­tzaren 25eko astebu­ruan sar­tu­­ko dira, eta buel­takoa ekai­naren 1eko aste­bu­ruan dute, Hernanin. Aurrera egiten du­ten taldeek final eguna zehaztua dute: uztailak 6.

Talde bat nabarmentzen ez
Ez dago faboritorik. Aurten 23 herri ariko dira, eta ez da talde bat nabarmentzen. Iaz­ko txapelduna, Oiartzun, ilu­sioz aterako da Zumarraga eta Zaldibiaren arteko ira­baz­learen kontra. Berrobik be­rriz, talderik ez du aurten. Bai ordea, Asteasuk eta Ando­ainek. Ikusteko dago, zein nabarmenduko den aurten, horien artetik. Klasikorik ez da faltako: Azkoitia hor izan­go da 16 txapela dituena, eta Hernani ere bai, klasikotzat hartzen hasi beharko dena,
5 txapela bai baititu. Do­nos­tiak ere 5 ditu, eta hor izango da hura ere.
Lehendabiziko fasean ari­ko dira, elkarren kontra: Ber­gara-Errenteria, Lezo-Astea­su, Ataun-Elgoibar, Zumarra­ga-Zaldibia, Andoain-Donos­tia, Alegia-Amezketa eta Zes­toa-Lasarte-Oria. Final zortzi­re­netan zai: Azkoitia, Zizur­kil, Hernani, Oiartzun, Arra­sate, Astigarraga, Bidania-Goiatz, Tolosa eta Beasain.

Soilik jubeniletako bikotea dago erabakia: Cisneros eta Rodriguez
Pelota taldeko arduradunek ez daukate argi zeinek jo­ka­tuko duten aurten herri arte­koan. Kadeteetan sei pelota­rik behintzat badaukate joka­tzeko aukera, pare parean ibiltzen baitira. Seniorretan lau aukera, behintzat, badira: Arrieta, Ojuel, Aizpitarte, Go­rrotxategi... Jubeniletan be­rriz, dudarik ez dago batere: Cisneros eta Rodriguez.

Udaberri Torneoa bete betean, gaur eta bihar Hernanin
Hernanik herriartekoa haste­ko, ia hilabete falta da orain­dik, baina bitarte horretan ez da pelota desagertuko, inola ere. Gaur eta bihar Udaberri Tor­neo­ko partiduak jokatuko di­tuzte hernaniarrek, Herna­nin. Gaur lau partidu, 16:00­etatik aurrera: infantiletan, Larburu eta Leiza ariko dira, Oiartzungo taldearen kontra. Ondoren, lau­terdiko hiru par­tidu, bana­ka: Berasarte, San Sebastian eta Cisneros pro­tagonista.
Bihar ere beste lau partidu jokatuko dira, 10:00etatik au­rrera: alebin eta infan­ti­letan binaka, Lasa-Tejedor eta Sa­la­berria-Arizmendi, Zumaia eta Oiarperen kontra. Ondo­ren, banaka ariko dira, lau­terdian, eta biak Zumaiaren kontra, Altuna eta Etxegoien.