Ahalik eta herritar gehien elkartzea da hernaniko Gure esku dago taldearen nahia. Udaberri Festa antolatu dute igandean, erabakitze eskubidearen alde. Ave Maria izango da eszenatokia, bi orduz.
11:00etatik aurrera hasiko da mugimendua parkean zehar jarriko dituzten guneetan: artea, musika, dantza, umeak eta abentura izango dira sei gune horietako ardatza. Gune nagusi bat ere izango da, eta bertan izango da herriko elkarteen arteko herri kirol erronka; 11:30 etatik 12:30etara. Horiez gain, Txosna eta oholtza nagusi bat ere jarriko dituzte.
Ekitaldi nagusia, eguerdian
Udaberri Festako ekitaldi nagusia ordu erdi ingurukoa izango da. 12:30etan giza katea egingo dute, ekainaren 8koa entsaiatze aldera. Ondoren, taldeko argazkia aterako dute. Eskuetan abestiarekin flash moba grabatzeko asmoa ere badute; eta zozketak ere, izango dira.