Langileen Nazioarteko Egunea da bihar, Maiatzaren 1a. LAB sindikatuak eskualdeko manifestazioa deitu du Hernanin Langileok erabaki, Euskal Herriak erabaki dezan lemapean. Manifestazioa eguerdiko 12:00etan aterako da Plazatik eta eskualde mailakoa izango da.
«Lehen lortutakoa berreskuratu behar dugu»
LAB sindikatuak azaldu duenez, krisiaren aitzakiarekin buelta eman zaio lortutako guztiari: «gauza asko lortu ziren borrokarekin, sufrimenduarekin eta konfrontazioarekin. Gaur egun ere konfrontazioa behar da, negoziazioak itxi gabe, baina konfrontazioa. Gure indarra kalean dago eta lehen lortutakoa berreskuratu behar dugu borrokaren bitartez»
«Erabakitze eskubidearen garrantzia»
LABek dio, egungo egoerari aurre egiteko erabakitze eskubidea garrantzitsua dela: «erabakitze eskubidea langile mugimendura ekarri nahi dugu. Hortik lema: Langileok erabaki, Euskal Herriak erabaki dezan».