maiatzaren 1a egun haundia izaten da Goiz Eguzkiko bazkideentzat. Bezperatik hasten dira ospakizunak, eta maiatzaren 1a eguerdira arte izaten da festa.
Abesbatzen emanaldirako kontzertu berezia antolatu dute aurten. Goiz Eguzkiko Abesbatzak Oñatiko Aloña izango du lagun gaurko emanaldian. Zazpina kanta abestuko dituzte, etxekoak hasita. Javier Zubimendi izango dute zuzendari eta Txefe Ormazabal bakarlari. Abestiak: Illunabarra, Alma Llanera, Angelitos negros, La golondrina, Azken dantza, Un viejo amor eta Boga boga. Aloña abesbatza Loli Ordokik zuzenduko du, eta Miguel Mari Guridi ariko da eskusoinuarekin. Kantatuko dituzten zazpi abestiak: Ama, Santus, Uso zuria, Jeiki jeiki, Biok ezagutzean, La perla eta Vuela paloma blanca.
Goiz osoko festa, bihar
Festak maiatzaren 1ean izango du segida. Mezarekin hasiko dute eguna, 11:00etan. Ondoren, karta eta kaleko jokoetako sariak banatuko dituzte. Bazkideek egindako lanak ikusteko aukera ere izango da. Eta bukatzeko, luntxa.