Boleibolean goi mailako jokalaria dela erakutsi du, beste behin, Esther Lopez hernaniarrak. Errioxako TRAMEK Murillo taldearekin Emakumezkoen Superliga irabazi du asteburuan. Eta ez da aurtengo sari bakarra izan; talde berarekin txapeldun izan baita Erreginaren Kopan eta Superkopan.
Play Offak, hiru partidutara
Larunbatean jokatu zen Play Offetako hirugarren partidua, Iruñako GH Leadernet eta Errioxako TRAMEK taldearen artean. Esther Lopezen taldeak play offetako aurreneko bi partiduak irabazi eta gero, Iruñean jokatu zuten azkenekoa. Lehenengo jokoan nagusi izan ziren errioxarrak. Bigarren jokoan hortzak erakutsi zituen Iruñeako taldeak, baina garaipena Lopezen taldearentzat izan zen. Eta hirugarren jokoan, errioxarrak izan ziren nagusi, hasieratik bukaerara. TRAMEK taldearentzat izan zen beraz garaipena. Liga honekin, 8 ditu irabaziak Esther Lopezek.
Europako Txapelketa prestatzen, orain
Liga irabazi berri, helburu zehatzak ditu Esther Lopezek epe motzera. Estatuko Selekzio nagusiarekin entrenatzen da orain, Europako txapelketako sailkapena prestatu eta jokatzeko; maiatza osoan izango da bertan. Ondoren, Brasilera joateko asmoa duela azaldu du jokalari hernaniarrak. Bertako ligan parte hartzeko aukera duela eta, probatzera joango da hernarriarra. Hernaniko boleibol taldetik hernaniarra zoriondu nahi dute: «Hernani mailan ez da erraza izango Esther Lopez osatzen ari den kurrikuluma gainditzea eta errepikatzea. Zorionak Esther!