Maiatzeko Plenoa deitu dute gaur iluntzean, Udalean. Hitzordua 19:00etan da, Pleno aretoan, eta bertan bildutako udal ordezkariek 14 puntu izango dituzte aztergai, tartean: II. Berdintasun Planaren luzapena; Udaleko lanpostuen berrazterketa eta Finantzen Euskal Kontseiluak aurkeztutako mozioa.
Berdintasun Plana, 2015era arte luzatzea
Udalak Hernaniko Berdintasun Plana onartu zuen 2010ean, eta nahia zen, bertan zehaztutakoak 2013rako beteta izatea. Epe hori bukatu bada ere, bertan agertzen diren zenbait helburu oraindik ez dira burutu. Hori horrela, Berdintasun Plana 2015 urte bukaerara arte luzatu nahi dute.
Berdintasun plana 2010-2013 bitartean garatzea aurreikusia zuen Udalak. Helburu asko burutu gabe daude oraindik, eta 2015 urte bukaerara luzatzea bozkatuko da.
Udaleko lanpostuak, berrantolatu
Plenoan aztergai izango dute baita ere, Udaleko plantila eta lanpostuen zerrenda aldaketa. Kontua da, Udala berrazterketa bat egiten ari dela udaleko plantila eta lanpostuekin. Plan bat proposatu dute, bakoitza, pixkanaka, bere postuari dagokion egoerara egokitzeko.