Ikastetxeetako patioak zabalik, herritarrek erabiltzeko

Hernaniko ikastetxeetako pa­tio edo eremu publikoak za­­balik daude herritarren go­za­menerako. Garai batean as­ko ziren eskola ordutegiaz kanpo, instalazio hauek er­a­biltzen zituzten herritarrak. Epe batean itxita egon os­tean, berriz ere zabalik dau­dela jakinarazi du Udalak. 2013ko azken hilabeteetan parte har­tze prozesua jarri zuen mar­txan Udalak eta hainbat bi­le­ra egin eta gero, protokolo bat adostu dute. Bilera horietan parte hartu dute: Andoni Pikabea Udal­tzain­buruak, Kis­tiñe Lujan­bio Hezkuntza Zi­negotziak, Uru­mea, Langile eta Elizatxo ikastoletako or­dezkariek, Ka­le Hezitzai­leak eta gazte ba­tek.
Protokoloaren helburua da, eskola orduz kanpo, ikas­tetxeetako patioak modu egokian erabiltzea. Baldintza ba­tzuk ezarri dira, instala­zioak modu eraginkorrean er­a­biltzeko.

Hiru ikastetxe eta Institutua
Erabili litezkeen patio edo eremu publikoak di­ra: Uru­mea ikastolako Gay Mur erai­­kinekoa; Langileko Lau Bidie­tako eraikinekoa eta Eli­zatxo ikas­to­lakoa. Talde anto­latue­ta­ra­ko, urte osoko jar­duere­tara­ko... ere badago aukera. Ka­su hauetan ordea, Uda­lak eta ikas­te­txeek ezarritako bi­deak jarraitu behar dira.
Institutuko patioaren  ka­sua ere aztertu du Udalak. Izan ere, es­kumena ez da be­ra­rena. Protokolo hau ber­tara za­bal­tzeko asmoa ba­duela azaldu du, eta Institu­tua­re­kin eta Hez­­kun­tza Dele­ga­ri­tza­rekin adostu be­har dutela.

Eskola garaian zabalik egongo dira: neguan 20:00ak arte, eta udan 22:00ak arte. Opor, asteburu eta jai egu­netan 09:00etan irekiko dituzte, eta itxiera ordua berdina izango da.

Ze jardueretarako erabili?
Protokoloari helduta, pa­tioen erabilera egokia izan da­din zen­bait jarduera le­he­netsi dituzte. Batetik, Kirol prak­tika. Kirol bakoitza ho­rre­tarako egokitutako le­kuan egin beharko da: pe­lo­ta, pe­lotalekuan; futbola eta es­ku­ba­loia, ateak dauden le­kue­tan... Patinajea, gim­na­sia, dan­tza... bestelako kiro­le­­ta­ra­ko ere erabili litezke pa­tioak, beti ere, arazorik sor­tzen ez bada. Jolas libre eta komunitarioa praktika­tzeko, mahai-jolasetarako eta aisi­al­dirako ere erabili li­tezke, arazorik sortzen ez bada.

Ordutegia, eskola egunetan eta jai egunetan
Neguko eta udako ordutegia izango dute patioek. Eskola ga­raia denean, neguan 20:00­­­ak arte egongo dira za­balik; eta udan 22:00ak arte. Aste­bu­ruetan, jai egun edo opo­rretan goizeko 09:00­etan zabalduko dituzte pa­tioak, eta itxiera ordua ber­dina izan­go da.

Zaintzeko konpromisoa
Bukatzeko, patio edo eremu publiko hauek guztionak di­rela diote, eta hauek behar bezala mantentzea eta txu­kun edukitzea eragile eta erabiltzaileei dagokiela. Hori horrela, zenbait konpromi­so hartu dituzte.
Udala konprometitua da instalazioak txukun manten­tze­ra; arazoak sortzen dire­nean, irtenbidea ahalik eta azkarren ematera; ordute­giak betetzera eta betearaz­tera; eta erabakitakoa herri­ta­rrei jaki­na­raztera. Ikas­tetxeek azaldu dute proto­ko­loen berri eman, eta landu egingo dituztela hez­kuntza ko­munita­tean. Era­­biltzaileen kon­­­promisoa da instalazioak txukun eta garbi mantentzea; erabiltzai­leekin be­gi­runez jokatzea; iturri pu­bli­koak egoki era­biltzea; hau­rren­tzako parkeak adinez ego­kiak direnek era­biltzea; ire­kita dauden ere­muak baka­rrik erabiltzea; eta kalterik edo erabilera okerrik ikusiko balu, ikastetxeei edo Udalari jakinaraztea.