Lorezaintza eta kale garbiketa zerbitzuen lehiaketak konbokatu ditu Udalak. Maiatzaren 12ra arte dago aurkezteko aukera. Informazio guztia eta bete beharreko baldintza eta pleguak: www.astigarraga.net edo udaletxean.
Lehiaketa berria ezin zela gehiago atzeratu azpimarratu du Gobernu Taldeak: «Aurreko legealdietan, zerbitzu hauek murrizketak jasan zituzten, zerbitzuaren kalitatea kaxkartuz eta herritar askoren kexak areagotuz. Horrez gain, Astigarraga haunditu izanak ere eragina izan du. Beraz, ezin zen lehiaketa gehiago atzeratu». Murrizketa aurreko kalitatea berreskuratzea planteatzen du Gobernu Taldeak, herriaren tamaina berria kontuan izanda. Lorezaintzaren zerbitzu kostua 132.000 eurotan estimatzen du eta kale garbiketarena 225.000 eurotan.
Klausula sozialak kontutan
Bi lehiaketa hauetan klausula sozialak kontutan izan direla nabarmendu dute: «langileen eskubide laboralak bermatzeko. Aurkeztu nahi diren enpresei eskatu zaie, euren langileei indarrean egon den azken hitzarmen kolektiboa aplikatu behar zaiela. Horrez gain, lorezaintza eta kale garbiketan, subrogazioa eskatu da, gaur egun dauden langileak mantentzeko». Euskera irizpideak ere sartu direla gaineratu dute.
«Kostua, atez atekoarekin nahastu nahi izan da»
Gobernu Taldeak salatu du zerbitzu hauen kostua atez atekoarekin nahastu nahi izan dela: «Sistema berriaren ondorioz kostua areagotu dela esan da, baina kostua haunditu da zerbitzu optimoa eman nahi delako eta batez ere, herriaren azalera haunditu delako. Oposizioko kieek atez atekoarekin obsesioa dute eta gaia manipulatu egiten dute. Batzordean bertan onartu zuten, esan zutena ez dela egia, baina hori publikoki ez zutela aitortuko. Dena dela, garrantzitsuena da, herritarrek zerbitzu maila hobea jasotzeko aukera izango dutela».