Firma biltzen ariko dira gaur, goizean, Gudarien plazan, zigarro elektronikoak araurik gabe erabiltzearen alde. Europar Batasunak atera nahi duen legediak zigarro honekin erabat bukatuko duela diote, eta hori galerazi nahian, Europa guztiko erabiltzaileak firma biltzen ari dira. Helburua, 1.000.000 firma lortzea, azaroaren 25a baino lehen.
Gudarien plazan egongo dira gaur 10:00etatik 14:00etara.
«‘Bapeoa’ ezin da sartu Tabakoaren Legean»
Zigarro elektronikoa erretzeari bapeoa deitzen zaio, baporea botatzen delako ahotik. Horren aldeko kideek diote, Europar Batasunak Tabakoaren Legearen barruan sartu nahi duela bapeoa, alegia, bi zigarroak parekatu egin nahi dituela hainbat zentzutan: zigarro elektronikoa, eta betikoa. «Bapeoa ezin da kontenplatu Tabakoaren Legean. Hainbat debeku badaude hor, denda txikiak itxiarazteko eginak. Lobbie haundiek bakarrik aurre egin ahal izango diete baldintza horiei.