Martxan da Gure Esku Dago dinamika Astigarragan. Aste-azkenean bilera egin zen dinamika martxan jartzeko eta kolore guztietako jendea bildu zen bertan. Dagoeneko hasi dira ekintzak antolatzen. Bihar bertan, metroak saltzen egongo dira Joseba Barandiaran plazan (12:30-14:30). Musika eta pintxoak ere izango dira.
Aurkezpena eta argazkia
Maiatzean zehar ere, antolatu dituzte ekintza gehiago. Hilaren 10ean, hain zuzen, aurkezpen bat egingo dute eta ondoren, argazki bat aterako dute. Argazki horretan, herritarrez gain, herriko pertsonaia esanguratsuak biltzen saiatuko dira.
Giza-katea, Astigarragan
Maiatzaren 24an, giza-katearen saiakera egingo dute. Ibilbidea ez dute zehaztu oraindik.
Bideo bat egiteko asmoa ere badute.