Galarretako ezagun haundi bat joan da, Carmen Sagarna, La Taquillera gisan ezagutzen zena, 100 urtekin. Galarretako takillera lanak 90 urtera arte egin zituenaren omenez, krespoi beltza aterako dute lau pelotariek aste honetako final haundian. Sagardoaren Txapelketako finala jokatuko da larunbatean, final haundi bat, egungo bikoterik gogorrentsuenen artean. Galarretan, 16:00etan hasiko den jaialdian, bigarren partidua.
Bereziartua eta Gurutzeta, zein baino zein
Txapelketa bi onenak izan dira, zalantzarik gabe, eta Etxeberria IVa eta Ion eta Matxin IIIa eta Etxeberria IIIa ariko dira finalean; Bereziartua eta Gurutzeta. Etxeberria IIIaren sorbaldari begira egongo dira erremonte-zaleak, finalerdian juxtu xamar bukatu zuen eta.