ZIKLOBIA antolatu dute ekainaren 1ean, Donostia 2016 ekimenaren barruan. Hernani, Astigarraga, Martutene eta Donostia lotzen dituen errepidea itxita egongo da kotxe, moto, kamioi eta motorra duten beste ibilgailu guztientzat. Goizeko 10:00etatik arratsaldeko 18:00etara itxiko dute errepidea, eta ibilbide osoan zehar ikuskizun eta tailerrak izango dira. Hain zuzen, zer egin antolatzeko proposamenak biltzen ari dira.
Hernaniko Udalak bilera bat egin zuen hilabete hasieran herriko zenbait taldeekin, proposamenak biltze aldera. Herritarren proposamenak biltzeari ere, garrantzia eman nahi izan dio Udalak, eta helbide elektroniko bat jarri dute horretarako: ziklobia@hernani. net. Proposamenak bidaltzeko epea ostiralera arte dago zabalik.