Hernani Institutuan teoriari bezainbesteko garrantzia ematen diote praktikari. Batxilergoko 1go mailako ikasleak 3D inprimagailua garatzen ari dira Teknologiako klasean. Irakasleen esanetan, helburua da, ikasgaian garatu behar diren gaiak modu praktikoan ere lantzea «hortik inpresora propioa garatzearen ideia».
Adituekin harremanetan
Institututik haratago, praktika horiek garatze aldera, hainbat tailerretan ari dira parte hartzen ikasleak. Orain gutxi Jose Antonio Lozano adituarekin biltzeko aukera izan zuten Informatika Fakultatean; Elhuyarrek antolatzen duen Zientzia Azokaren harira.
Ikasleentzat interesanteena izan da, klasean garatutako hainbat pieza 3D inpresoran inprimatu ahal izatea. Martxan ikusi dute, eman ditzakeen akatsak aztertu dituzte...
Oraingo honetan berriz, Ikaskidetza Sarearekin jarri dira harremanetan, eta Hirikilabs programaren barruan, formakuntza tailer bat antolatu dute. Bertan adituen azalpenak jaso dituzte: 3D inprimagailuaren nondik norakoak ezagutu dituzte, eta tartean, funtzionamendua eta martxan ikusteko aukera izan dute. Egindako praktika guztien artean, ikasleentzat interesgarriena izan da, klasean egindako lanak inprimatu ahal izatea: «klasean diseinatutako hainbat pieza inprimatu dituzte. Inpresorak, eman ditzakeen arazoak aztertu dituzte... oso interesgarria izan da. Tailer honen esperientzia pilota izan gara»