Hernaniko Udalak protokoloa martxan jarria dauka liztor asiatikoaren kabiak kentzeko. Kronikari adierazi diotenez, oraintxe da errazena liztor kabiak suntsitzea, erreginak bakarrik ari direlako kabiak egiten, eta kabi primarioak edo txikiak direlako. Hiru kabi klase egiten dituzte liztorrek: primarioak, sekundarioak, eta hirugarren mailakoak. Erregina bat hasi, kabi txiki bat egin, eta hortik langileak ateratzen ditu. Langile gutxi horiek bigarren kabia egingo dute, eta hortik ateratzen diren langile guztiek hirugarrena, haundiena, udazkenean ikusten diren horietakoa.
Norbaitek kabi txikiren bat ikusten badu, Udaltzaingora kaso egin behar du: 092.
Hernaniko Babes Zibiletik adierazi dutenez, aurten oso liztor gutxi ari dira jasotzen. Bertakoak ia bat ere ez, orain dela gutxi arte. Kanpokoak ere iazko aldean, gutxi.