Gaur arratsaldetik aurrera 64 aparkaleku berri erabiltzeko moduan izango dira. Lizeaga auzoko Arantzatzu plazan, lehen umeentzako parkea zegoen horretan, kotxe aparkalekua egin du Udalak, 18 plazarekin. Beste aparkalekua, 46 plazakoa, Paradorean egin du. Lehendik ere aparkatzen zituzten kotxeak gune honetan; Udalak txukundu, margotu eta aparkaleku bihurtu du.
Orkolagan, pintaketa lanak
Udalak jakinarazi duenez, Orkolaga kaleko aparkalekuetan pintaketa lanak egingo dituzte eta baterian dauden aparkalekuen zentzua aldatuko dute. Hori horrela, 08:00etatik 14:00etara ibilgailuek ezingo dute bertan aparkatu.